Премєр Роберт Фіцо потвердив, же почас навщівы Пекіну абсолвує білатералны стрічі з кітайскым презідентом Сі Тін-пхіном, російскым презідентом Владимром Путіном і далшыма штатниками. По навернутю з Пекіну у четверь пересуне ся на выходну Словакію, жебы в пятніцю абсолвовав білатералну стрічу із україньскым презідентом Володиміром Зеленьскым. Фіцо о тім інформовав на соціалній сіті. Премєр одлетів до Кітаю в понедільок. В середу буде брати участь на святкованях 80-ой річніці закінчіня Другой світовой войны в Азії. Місце стрічі із Зеленьскым премєр ани Уряд влады Словацькой републікы не приближыв, єднако, як ани темы, о котрых хоче словацькый премєр бісідовати на стрічі із україньскым презідентом. Опозіція премєра за подорож до Кітаю крітікує.

(Медвідь, TASR)