Міністры фінанцій Европской унії (EÚ) в пятницю (9. 9.) подпорили скоре приятя додаточной фінанчной помочі про Україну у вышці 5 міліярд евр. Пресаґентура TASR о тім інформує на основі пресовой справы Рады ECOFIN. На неформалнім засіданю в Празі міністры фінанцій і ґувернеры централных банк EÚ діскутовали о неґатівных впливох російской аґресії протів Україні на европскы економікы і подпорили дальшу фінанчну поміч про Україну. Рівнолегло зо засіданям міністрів про енерґетіку в Бруселі їднали і о рішеню высокых цін енерґій і їх впливох на штатны  розрахункы. В рамках діскусії о господарьскій помочі Україні міністры фіннції діскутовали і о повойновій обнові Україны. (TASR, Pkf)