Україньскый презідент Володимир Зеленськый і главны командер озброєных сил ґенерал Валерій Залужный мають роздїлны погляды на то, ці бы україньска армада мала стягнути ся з міста Бахмут, о котре уж місяці тяжко боює з російскыма силами.  Тото місто в Донецькій області Зеленскый в часі навщівы в децембрі минулого року выголосив за “певность“. Напрік силному одпору україньской армады загрожує Бахмуту обключіня. Залужный подля денника Bild уж перед пару тыжднями рекомандував владі, абы зважыла стягнутя своїх воєньскых часті з Бахмуту. Джерела в Києві шак увели, же оборона Бахмуту є правилным вердіктом, протоже запричінює російскій армаді значны шкоды – персоналны і матерялны. (TASR, Pkf)