Стовкы людей вчера в Празі протестовало протів поступу чеськой влады  в бої з коронавірусом SARS-CoV-2, інформував отім справодайскый сервер Novinky.cz. Мітінґ орґанізував сполок Milión chvíľok pre demokraciu. Участници мітінґу в Празі дотримували розоступліня і несли транспаренты з надписами. Через Летеньску плань перейшли аж ку Крамаровій вілі, котра є пражсков резіденційов премєрів. Председа сполку Мікулаш Мінар повів, же влада комунікує хаотічні і мінить рішеня з дня на день без ясного поясніня. Господарьскы захранны крокы суть подля нього приспособены великым корпораціям тіпу Agrofert, котру наприклад засновав председа влады ЧР Андрей Бабіш. (TASR, Pkf)