Німецька міністерка заграничных справ Анналена Баербоцкова непредпокладать скоре навернутя Росії до зґрупованя семых промысловых найрозвінутішых країн світа (G7). Інформувала о тім днесь аґентура  DPA. Як дале конкретізувала Баербоцкова, же Росія ся вылучіла з даного кругу анектованям Криму. Покы є тяжко в даній сітуації предвідати, коли Росія буде способна вернути ся до споминаного зґрупованя. Актуална ескалаціа сітуацію неробить простішов. Ґрупа G7 обєднує промысловы найрозвінутішы країны світа. Патрять до ньой Британія, Франція, Японія, Канада, Німецько, Сполучены штаты і Італія. Росія была з ґрупы G7 вышмарена по анехії Кримского півострова од Україны в року 2014. Німецько зобере ротуюче председницьтво в G7 од Британії 1-го януаря 2022-го року. Кулмінаційов діяня Німецька на чолі  G7 буде самміт на замку Елмау в Баворскых Алпах од 26-го до 28-го юна. (TASR, Pkf)