Чеськый презідент Мілош Земан із нагоды 101-ой річніці выникнутя Чехословакії уділив у понедільок на Пражскім граді державны нагороды 42-ом особностям. Земан у своїм прояві споминав на першого пореволучного презідента Вацлава Гавла, а выразив ся і ку сучансій політічній сітуації. Орден Білого лева І. ступня передав у Владіславскій салі чеськый презідент і бывшому словацькому презідентови Рудолфови Шустерови. Меджі оціненыма были наприклад і бывшый пріматор Відня Гелмут Цілк, котрый быв нагородженый in mimoriam, ці чеськый експрезідент Вацлав Клаус.

(Медвідь, TASR)