Гуменьскый пріматор Мілош Мерічко в пятницю назначів до функції віцепріматоркы довгорічну посланкыню містьского представницьтва Марію Цегелску. Як інформувала Міхаела Доханова з радниці, Цегелска собі з рук пріматора міста перевзяла декрет на функцію віцепріматоркы, котру буде робити в наступнім періоді років 2019 аж 2022. „Єдночасно буде брати одмену за выконаня служебных повинностей  у вышкі 50 процентів заробітку пріматора міста,“ увела Доханова. Віцепріматорка такым способом буде належати заробіток в сумі коло 1530 евр.