x

Україна має можность здобыти далшу фінанчну поміч од Міджінародного менового фонду

00

Україна сповнила условія якы їй поставив Міджінародный меновый фонд. Україньскый парламент вчера одобрив закон, котрый ускорить і странспарентнить пріватізацію веце як 3 000, повекшынї стратовых, штатных подників, што было условієм, жебы здобыти далшы фінанції. Пріватізація штатных подників бы мала підпорити приход новых загранічных інвесторів і вылїпшыти штатны фінанції. О першу векшу пріватізацію ся влада усиловала в роцї 2016, но інвесторы о подник на выробу гноїв непроявили інтерес. Найновшыма кроками ся Україна намыгать убеспечіти інвесторів, же є приправлена боёвати з корупціов а модернизовати економіку. Як повів курто перед голосованём україньскый премєр Володимір Гройсман, „ід найвекшій корупції дохотить якраз в области штатных подників. Тоты были цїлї десятьроча вывжываны на вытваряня корупчных схем“. Подля нёго закон доволить на Українї вытворити в близкій добі десятьтісячі новых робочых міст і условія на силный господарьскый рост.
(TASR)