x

Сниньскы посланцї одсугласили інвестічный замір комунітного центра в містї

00

Сниньскы посланцї у четверь на засіданю одсугласили інвестічный замір комунітного центра в містї. Інвестічный замір уважує з умістнїнём комунітного центра з максімалныма нароками на простор в невыужыванїм заднїм павілонї Основной школы Будовательска. Подля схваленого матеріалу бы ёго основов мали быти окрім іншого школяча, респ. клубова містность, кухня про практічны тренінґы варіня, соціалне заряджіня, центер особной гіґєны цї канцеларня про робітників. В центрі планують напр. і склад матеріалу припадно дїлню про выучбу основных ремеселных зручностей. Найвысша можна сума выдавків є в припадї реконштрукції, респ. модернізації 257.500 евр з ДПГ. Сполуфінанцованя представлює 5 процент. Ставбу зреалізують лем в припадї здобытя ненавратного фінанчного вкладу зo средств ЕУ. Містьске заступітельство схвалило ай посланецку пропозіцію Маріана Реґеца, жебы місто вытворило концепцію основных і матерскых школ про тот волебный період з аспектом на умістнїня того заряджїня.                     

(TASR, Шутіова)