За першый квартал того року Пряшівскый край навщівило 228 448 турістів, што є 23,4 процента з цілословацького чісла. З того 14,8 процента были навщівници зо заграніча. Выходить то із штатістічных даных. Як про аґентуру TASR повіла говоркыня Міністерства транспорту і будованя Кароліна Дуцка, найвекшый інтерес в краї є о Высокы Татры, котры суть найвыглядаванішов областьов Словакії. Край має подля їй слов у области турістічного руху барз міцный потенціал. В рамках розвитку руху є треба, жебы вшыткы заінтересованы стороны діючі в тій области зачали інтензівніше комуніковати і взаємно кооперовати, додала.

(Медвідь, TASR)