x

Ректоры жадають премєра о стрічу

00

Словацька ректорска конференція жадать премєра Едуарда Геґера з причіны недостойной економічной сітуації высокых школ о безодкладну стрічу. Будучность словацького высокого школства є подля конференції ректорів в сучасности неістіша як будьколи передтым. Далше продовжованя той крітічной аж катастрофалной сітуації і неохота з боку одповідных глядати рішіня і выходы з ньой може вести ку тому, же высокы школы не будуть годны зачати новый академічный рік в ряднім терміні, пише ся у выголошіню Словацькой ректорской конференції, котре схвалила векшына членів у понедільок. Економічна сітуація на высокых школах подля ректорів не одповідать їх посланю в сполочности. Конференція притім вказала наприклад на знижіня публічных вытрат на публічне высоке школство.

(Медвідь, TASR)