Очкованя проти захворіню COVID-19 є од днешнього дня до понеділька (7-го юна) реалізоване в штирьох великокапацітных центрах Пряшівського самосправного краю. В суботу буде отвореный центер і в Бардейові. В терені є од вчерашнього дня аж до середы, 9-го юна, і мобілна служба. Пресаґентуру TASR о тім інформовала говоркыня краю Даша Єленьова.  З цілковой алокації 11.720 вакцін на найблизше очкованя у великокапацітных центрах в Старій Любовні, Пряшові, Попраді, Гуменнім і Бардейові є 2200 вакцін конзорція AstraZeneca, котры суть призначены на переочкованя. Аж 9520 вакцін є од конзорція Pfizer/BioNTech, котрыма ся будуть в центрах очковати очекуючі першу давку, як і люди з датумом на переочкованя. Очкованя через мобілну часть буде продовжовати суботу в Ганушівцях над Топльов, Дюрдьоші, Быстрім, Раславіцях, Спішскім Подградю і в навколишніх селах. (TASR, Pkf)