Білый дім в понедільок публіковав америцькый мірный план про Пасмо Ґазы, котрый рахує із закінчіньом войны меджі Ізраільом і мілітантным рухом Гамас, як і навернутьом вшыткых полоненых – жывых і мертвых. Єдночасно встановлює, же в припаді закінчіня боїв бы Пасмо Ґазы перешло під справованя переходной влады на челі із америцькым презідентом Доналдом Трампом. План Трампа має 20 пунктів. Публіковали го курто перед його пресконференційов із ізраільскым премєром Бенъяміном Нетаънягу в Білім домі, і передбачать, же покля з ним будуть согласны обидві стороны конфлікту, война безодкладно скінчіть. План жадать створіня такзваной Рады міру, котрой председом бы быв Трамп, і котрой членом бы быв і бывшый брітаньскый премєр Тоні Блаір, як і далшы лідеры. Нетанъягу погрозив, же покля Гамас план одшмарить, Ізраіль то з ним „докінчіть сам“.

(Медвідь, TASR)