В Новоселиці в окресі Снина одкрыли в суботу ареал енвіронменталного навчаня. Село є, подля старосты Василя Дiнiча, прямо в Народнім парку Полонины. Своїм положіньом мать ідеалны предпоклады стати ся едукачнов дестiнаціов, де будуть мати можность навщівници спознавати природу і научіти ся, як ю хранити. Проєкт село фінацовало з плану обновы і здобыло на нього 1,7 міліона евр з ДПГ. В ареалі є інфоцентрум в зреконштруованім културнім домі, де навщівници здобывають інформації о реґіоні, природі і охрані жывотного оточіня. Будова єдночасно служыть як мултіфункчный простор на орґанізованя едукачных і културных подiй. Навщівницьке центрум продовжує в екстерєрі ареалом, котрый склада ся з дітьскых едукачных елементів, едукачного пішника ці меншого амфітеатра. (TASR, Пкф)