Союз амбулантных надавателів (ZAP) жадать од премєра Роберта Фіца, жебы зразу одкликав уповнoмоченого влады СР про перевірiня процесу веджiня і манажованя жрідел під час пандемії COVID-19, Петра Котлара, про його высловы в недільній (7-го септембра) діскусній релації телевізії Joj24 Політіка 24. ZAP їх поважує за доказ його некомпетентности выконовати призначену функцію. „В діскусії повторюючо спохыбнив модерну медиціну, інєкчне лічіня і вакцінацію як таку. Крітізовав докінця і повинну вакцінації, дякуючім котрых сьме могли скінчити або значно контролювати шыріня смертелных захворінь. Такы тверджіня загрожують публічне здравя, безпечность популaції і здравя здравотників,“ приближыли зо Союзу анбулантных надавателів. (TASR, Пкф)