Народный центер здравотницькых інформацій спустив реґістрацію на очкованя новов вакцінов проти COVID-19. Інтересуючі ся можуть реґістровати посередництвом онлайн формуларя НЦЗІ. Терміны ся зачнуть прыдїлёвати концём септембра. TASR о тім інформовала шпеціалістка комунікації НЦЗІ Сімона Угларова Ярошова. ,,Новых вакцін буде дость а каждый, хто ся буде хотїти дати добровольнї заочковати, буде мати тоту можность. Адаптованы вакціны Comirnaty LP.8.1, напрямены на найновшый варіант COVID-19 будуть на Словакію доданы в другій половинї септембра а протягом октобра подля платных контрактів,“ приближыла Угларова Ярошова.

(TASR,  Шутіова)