Подля міністра школства Плавчана, по вчерашній пресконференції, є передчасне дакого обвиньовати з роздільованя еврофондів, бо фінанції на жадне конто іщі не одышли. Плавчан ся із ректорами договорив, же в септембрі зреалізує верейну презентацію підпореных проєктів. Повів, же на довгочасный і стратеґічный выскум выпише штонайскорше нову вызву. Заведуть ся панеловы діскузії оціньованя. Зрушыть ся датабаза актуалных членів оціночной комісії і вытворить ся нова. Зачне засідати рада выскумной аґентуры, обіцять міністер, подля котрого є тема еврофондів на науку сполітізована.
(Анна Кузмякова)