x

Петра Кріштуфкова ся вздавать функції

00

Посланькыня Народной рады СР Петра Кріштуфкова ся вздавать функції уповномоченой влады про родину. „Нестоїть мі за то, абы через мою особу атакували владу, атакували міністра, наш рух і уж цалком не  мої діти,“ увела то на вчерайшій пресконференції з тым, же надалей буде робити свою роботу. Чісло преференчных голосів, котры здобыла у вольбах, поважує за достаточну прічіну, абы в помочі людям продовжувала. Председа парламенту і руху Сьме родина Боріс Коллар підчеркнув, же рух за ню стоїть. О вытворіню функції і призначеню Кріштуфковой вырішыла влада в часі минулого тыждня. Нове місце мало взникнути на пропозицію міністра праці Мілана Крайняка. Єй задачов мало быти главні коордінація повніня задач в області підпоры родины і соціалной помочі, котры про орґаны штатной справы, територіялной самосправы, мімовладны незисковы орґанізації, як і іншы субєкты выходять з правных предпісів і рішень влады. (TASR, Pkf)