Пряшівскый самосправный край (PSK) приправує девятый річник реґіоналного змаганя „Krídla túžby“, котрой частьов є передаваня оцініня в соціалных службах. Номінації принимать до кінця авґуста. TASR о тім інформувала говоркыня PSK Даша Єленьова. Цільом є за єй словами найти  в соціалных службах на території Пряшівского самосправного края надавателя, робітника і приїмателя, котры свойов вынятковостьов, якістьов надаваня соціалных служб, вынятковыма успіхми, іноватівныма методами роботы і жычливыма поступками можуть быти прикладом доброй прахі в соціалных службах. Як у своїй вызві председа Пряшівского самосправного края Мілан Маєрьскый уваджать, „іде о моралне оцініня заряджіня соціалных служб, но передовшыткым  людей, котры роблять з тыма найзранітельнішыма – з гендікепованыма, особами в нудзі, сеніорами.“ (TASR, Пкф)