Заместнавателї все частіше голосять новый проблем, котрым є хыбаюча робоча сила. Уповномоченый влады СР про ромскы комуніты Абел Равас видить рїшїня в запаяню фірем, котры спущають шпеціфічны проґрамы на ословіня і заместнаваня Ромів, а помочі бы мали актівачны роботы. В Спішскій Новій Всі зато сполочно з ґенералным директором Устредя роботы, соціалных дїл і родины Маріаном Валентовічом інформовали о можностях фінанцованя актівіт в областях заместнаности. Зарівно презентовали і новый зборник під назвов ,,Добра пракс актівачной роботы”. ,, Актівачна дїялность часто фунґує як одразовый мостик про довгодобо безроботных. Задачов того зборника є презентовати успішны і іноватівны приклады актівачной дїялности на теріторії Словеньска. Цїлём є, жебы ся чім веце самосправ одушевнило добров праксов остатных, “ підкреслив Равас з тым, же зборник є можне сі стягнути і з інтернету.

(SME, Шутіова)