x

Презідентскы вольбы оцінює поліція як покійны

00

Презідентскы вольбы  оцінює поліція як покійны. „К нарушіню общого порядку неприйшло,“ оцінив віцепрезідент Поліцайного корпусу Роберт Бозалка на недільняйшій пресконференції Штатной комісії про вольбы і контролю фінанцованя політічных партій. В часі волеб было за його словами в службі 6513 поліцайтів. Як далей конкретізував, „з того прямо на повніню задач лем у звязку з другым колом вольб презідента СР было выділеных 4258 поліцайтів, решта  тыж принимала участь на повніню задач у звязку  з вольбами. Поліція заевідувала од скінчіня першого кола вольб 14 подань. З того чісла три карны поступкы, єдно нарушеня правил а іншы імпулзів в чіслі десять.“ Цілково поліцайты в часі обідвох кол презідентскых вольб заевідовали 40 подань. З того девять карных ознамлінь, девять нарушень правил а 22 іншых імпулзів. (TASR, Pkf)