Кошыцькый самосправный край (КСК) глядать далшы Реґіоналны продукты Кошыцького краю і Традічны выробкы Кошыцького краю. В попередніх днях выголосив вызву на передкладаня жадостей о їх уділіня. Выробцьове із реґіонів Абов, Ґемер, Спіш і Земплін можуть свої жадости подавати до 23-го марца. Подля говоркыні КСК Катарины Стройной реґіонална марка є про выробців практічным інштрументом підпоры, котра звекшать довіру, потверджує походжіня в Кошыцькім краю, і творить простор на пропаґацію. Єдночасно помагать пропаґовати якость, унікатность і традіції каждого із штирьох реґіонів. О цертіфікат можуть пожадати фізічны і юрідічны особы – выробцьове, земледільці, потравинарі, ремеселници і людово-умелецькы творцьове, котры жыють або працують в Кошыцькім краю.

(Медвідь, ТASR)