x

Італійскый премєр подавать демісію

00

Італійскый премєр Джусеппе Конте вырішыв днесь подати демісію до рук презідента Серджа Маттареллы. Інформовав о тім в понедільок, пише аґентура Reuters. За неофіціалныма інформаціями Конте надіять ся, же од презідента дістане мандат на зоставліня новой влады. Премєром є од юна 2018-го року. Італійскому председови влады минувшый тыждень выразили довіру обидві палаты парламенту, но по одході єдного з коалічных партнерів влада фактічно стратила векшыну в Сенаті, што ослабило стабіліту. Італійска влада є в крізі по тім, што з ньой одышла партія Italia Viva, яку основав експремєр Маттео Рензі.

(Медвідь, TASR)