Днешнім дньом зачав 26. рочник кампані Штудентска квапка кровї, і то напрік панденмії нового коронавірусу. Буде тырвати пять тыжднів, до 20-го новембра. Пресову аґентуру TASR о тім інформувала проґрамова коордінаторка Словеньского Червеного хреста (SČK) Сілвія Костелна. Ґенерална секретарька SČK Зузана Росіарова увела, же хоч были мобілны одберы кровї в цілій країні зрушены, кров є фурт можне даровати на одберных місцях Народной трансфузной службы СР і на гематолоґічно-трансфузных одділінях шпиталів. Як далей Росіарова додала, же дарцове крові ся в тім вынятковім періоді мусять допереду обєднати на істый час. (TASR, Pkf)