Ізраільскый премєр Бенъямін Нетанъягу зрушыв плановану навщіву ізраільской делеґації на высокій уровни у Вашінґтоні на протест проти понедільковой резолуції Безпечностной рады Орґанізації зъєдиненых народів, котра вызывать на безодкладне переміря в Пасмі Ґазы. Інформує о тім аґентура Associated Press. Премєр обвинив США, же „выцофали“ із „прінціпіалной позіції“, кедь уможнили голосовати без того, жебы дали як условія про переміря пропущіня затримованых людей Гамасом. Ізраільска делеґація мала представити в Білім домі планы очекованой земной інвазії до міста Рафаг на югу Пасма Ґазы, де перед боями втекло понад міліона палестіньскых цівілістів.

(Медвідь, TASR)