Днесь ся зачала св. Архієрейсков Літурґійов в храмі святого Саву в Белеграді вольба нового патріярху Серьбской православной церькві. Серьбскый патріярха ся волить апостолскым способом а то так, же з трьох кандідатів, котры достануть найвеце голосів, ся лосом выбере єден з них, котрый ся наслідні стане патріярхом. Серьбска православна церьква є єдна з аутокефалных православных церькви, котра діє главні на теріторії Серьбска, але свої епархії мать і в заграничу. В року 1219-iм узнав конштантінопольскый патріярха незалежність Серьбской православной церькви. Од року 1346 мать церьква тітул патріярхату. (TASR, Pkf)