Поміч, котра є давана з боку США не є харітов, але інвестиційов до світовой безпечности і демокрації. Выголосив то вчера україньскый презідент Володимир Зеленськый у своїм выступліню в америцькім конґресі. Пресаґентура  TASR о тім інформує подля справ аґентур Reuters і AFP. Подля Reutersu Зеленськый снажыв ся  у своїм выступліню ословити членів Конґресу, главні Републиканів, котры суть фурт веце скептічны у звязку з міліярдами доларів, котры США посылають в рамках помочі Україні. Україньскый презідент на конець америцькым законодарьсцям даровав україньскый флаґ, котрый походить з міста Бахмут, котрый лежыть на фронтовій лінії. Тото місто Зеленськый навщівив лем пару днів перед своїм одходом до США. (TASR, Pkf)