Словацька република купить бомбардеры Ф-16 Блок 70/72 америцькой выробы. Належны документы вчера славностні підписали міністер обраны Петер Ґайдош і віцепрезідентка сполочности Lockheed Martin Ana Wugofski. Задоважовати ся буде 14 штук бомбардерів, літецьке вызброїня і тренованя літецького і поземного персоналу. Бомбардеры мають быти доданы до кінця рока 2023. Купліня новых суперсоніцькых бомбардерів назвав премьєр за вызнамну подію, накілько іде о інвестіцію в сумі вецей як 1,6 міліярды евр за цілый пакунок. „Словакія ся даным кроком голосить к своїм обовязком звышыти выдавкы на вызбройованя і досягнути жаданый ціль на уровні двох процентів з ГДП,“ декларовав председа влады з тым, же Словакія хоче выслати ясный сіґнал о своїм укотвіню в ЕУ і НАТО.
(TASR)
Фото: TASR