Председове партій великой коаліції в Нїмецьку ся у четверь на коалічній радї в Берлінї добісїдовали на опатрїнять проти нелеґалній міґрації і сприсніню азіловой політікы. Інформовала аґентура DPA. Председкыня Соціалнодемократічной партії Нїмецька Андреа Нелсова і віцеканцелар Олаф Шолц по закінчіню рокованя, яке проходило лем годину увели, же ся коалічны партії добісїдовали на ускорїню азілового конаня. Кабінет бы мав іщі до осени того року предложыти пропозіцію пристяговалецького закона. Вертаня міґрантів буде проходити лем на граніцї з Австріёв в просторах екзістуючіх заряджінь Сполковой поліції. Міґранты будуть до країны в котрій подали жадость о азіл вернуты до 48 годин, найправдоподобнїше посередніцьтвом летїска в Мнїхові.
(TASR)