Тот вікенд буде посліднім, коли ся обывателі мають можность залучіти до зрахуваня. Збер дани од обывателів ся кінчить в неділю, 13- го юна о півночі. Попередила о тім говоркыня Зрахуваня обывателів, домів і квартель 2021 Йасміна Ставдер. Як далі інформувала, же по цілій Словакії суть к діспозиції контактны місця, котры мають посилнены превадзковы годины. Контактны місця ся неодносять на тырвале перебываня, прото обывателі можуть хоснувати хоцькотре контактне місце і хоцьде в Словацькій републиці. До посліднього дня мож собі обїднати і асістента до себе, до свого обыстя. Іщі  і в неділю рано 13-го юна є мож кликати на Cаll centrum 02/20924919 і пожадати собі в часі дня асістента. Служба є безплатна. (TASR, Pkf)