На своїм посліднім засіданю  розділили посланці Пряшівского самосправного края (ПСК) суму 1,95 міліона евр з розрахунку края в рамках Вызвы посланців ПСК на рік 2025. Вєдно схвалили 837 жадостей в семох проґрамох. Найвеце грошей, веце як 1,16 міліона евр, достала область културы. На Уряд ПСК пришло до кінця януара 1166 жадостей, котры жадали дотацію понад 4,5 міліона евр. В проґрамі култура достали підпору 496 жадателів і то суму понад 1,16 міліона евр, в проґрамі шпорт было підпореных 247 жадателів  з дотаційов веце як 584.000 евр. Підпорены были тыж соціалны службы, родинна самосправа, жывотне оточіня, здравотницьтво і молодеж. Підпору достали главні села і міста (408 з них з алокаціов 935.000 евр), здружіня, союзы і клубы (238 жадателїв з 552.000 евр) і церковны орґанізації (83 проектів з 204.000 евр).  (TASR, Pkf)