Дозоруючій прокуратор Уряду шпеціалной прокуратуры має вольны рукы інформовати о розсліджованю убийства новинаря Яна Куцяка і його приятелькы. Повів то в понедільок на пресовій конференції в Братіславі ґенералный прокуратор Яромір Чіжнарь. Розсліджованя є подля Чіжнаря незалежне. Як далше продовжовав, хыбы в першых кроках спомалили зачаток розсліджованя, но чом ся зробили хыбы не знав повісти. „Дозоруючій прокуратор так само не має причіну повісти, же там хыбы не были,“ повів ґенералный пркуратор, подля котрого ся припад находить в такій области хыб, котры ся дають еліміновати, но натігать то час і припад міг быти без них уж дале.
(TASR)