x

Фіцо хоче радікалніше піднятя мінімалной мзды

00

Мусить прийти ку далшому радікалнішому піднятю мінімалной мзды. Такый є договор меджі коалічнов партійов Smer-SD і профсоюзами. Повів то в понедільок на пресконференції председа партії Smer-SD Роберт Фіцо по стрічі з презідентом Конфедерації профсоюзів Словацькой републікы Маріяном Маґдошком. Піднятя на рік 2020 мусить быти подля Фіца высше як тото остатнє. З презідентом профсоюзів ся згодли і на тім, же мінімална мзда бы мала представльовати 60 процент середньой мзды в народнім господарьстві. „Думаме, же взорець, котрый бы мав быти і европскы приятый, же 60 процент середнього заробітку в народнім господарьстві бы мала представльовати мінімална мзда, є барз правилный взорець,“ конштатовав Фіцо. Взорець, як бы мала быти творена мінімална мзда, бы міг подля председы владной партії быти закомпонованый до народной леґіслатівы з тым, же подля того взорця бы ся мала творити мінімална мзда уж слідуючій рік.

(Медвідь, TASR)