На Гвіездославовій улиці в Пряшові взникне нова матерьска школа (MŠ) вєдно зо школсков їдальньов. Пряшівскы містьны посланці о тім вырішыли на своїм предвчерайшім засіданю. Школа взникне к 10-му марцу 2026-го року, до реґістра єй має радниця записати до кінця марца. Інштитуція бы мала зачати фунґовати од 1-го септембра. Матерьска школа буде вытворена в будові, котру місто актуално реконштрукує. Подля пріматора Франтішка Ольгу піде о єден із наймодернішых школськых обєктів на выходній Словакії за послідні рокы. Подля ведучой одбору школства, културы і турістичного руху Містьского уряду в Пряшові Веронікы Кметоні Ґаздовой то буде промодерна, проінклузівна і прородинна матерьска школа з модерныма елементами выховно-навчального процесу і елементами едукації 21-го стороча. Тот крок ку модернізації має за ціль рішыти недостаток місць про діти в центрі міста. (TASR, Пкф)