Кебы парламентны вольбы проходили кінцьом новембра, выграла бы в них партія Smer-SD зо здобытьом 23,4 процента. Як друга найміцніша бы скінчіла SaS, підпорило бы єй 15,9 процента респондентів. Третій бы скінчів рух Sme rodina із десятьома процентами. Выходить то із анекты общого мніня, котру на взорці 1000 респондентів зробила аґенута AKO в днях 27-го аж 28-го новембра. На четвертім місці бы скінчіла SNS, волило бы єй 9,3 процента опрошеных. Слідує OĽaNO із 7,7 процентами, KDH зо 6,7 і партія Most-Híd із 5,7 процентами. Остатня партія, котра бы ся дістала до парламенту є Progresívne Slovensko, котру бы волило 5,3 процент респондентів.
(Медвідь, TASR)