x

В Притулянах посвятили обновленый інтерьєр церькви

00

В неділю 7-го юла гуменьскый ґрекокатолицькый вікарь Мартін Злацькый посвятив обновленый інтерьєр Церькви свв. Козмы і Даміяна в Притулянах. Храм быв збудованый у 1925-ім році. Вікаря привітав перед церьквов староста села Йосиф Сівак. По торжественній літурґії з посвячіньом інтерьєру містный адміністратор отець Петер Мальцовскый подяковав вшыткым вірникам за їх пожертвованя і намагы коло обновы храму. Вірници з великой части обновили інтерьєр з властных грошей. Село Притуляны є філійов Ґрекокатолицькой парохії Руська Поруба, вєдно із селами Рогожник і Завада.

(Медвідь, grkatpo.sk)