Спішскый град про реконштрукчны роботы на два дні цілком запруть. Даша Угарчекова Павукова зо Спішского музеа в Левочі інформовала, же градный комплех буде запертый в будучім тыждні в понедільок і вівторок. Як про словацьку пресову аґентуру TASR Угарчекова Павукова далей повіла, „причінов є реалізація монтажных робіт повязаных з вымінов главного розвадзача електричной енерґії і реконштрукціов блескозводу. Роботы суть реалізованы як часть реалізованого проєкту  під назвов Реконштрукція Спішского граду, Романскый палац і западны палацы, І. етапа“. Додала, же технолоґіа і характер планованых монтажных робіт собі з безпечностных причін вымагать запертя ареалу з цілковым обмеджіньом превадзкы і вступів навщевників. Спішскый град буде в цілім розсягу  знова отвореный в середу, то значіть 17.юла. Перша часть етапы реконштрукції Спішского граду бы мала быти скінчена на ярь будучого рока. Кошты плачены зо штатного бутжету суть на уровні міліон евр. (TASR, Пкф)

Погода 10.07.2019

Днесь є перемінлива, переходні аж велика хмарність. Вынятково, на севері місцямі переганкы. Найвысша денна теплота 20 аж 25, на севері місцямі 15 аж 20 ґрадусів. Дує слабый северозападный аж северный вітор до 30 км/год. В ночі буде од 12 до 7, в долинах місцямі коло 5 ґрадусів. (VSHÚ,Pkf)