Найвысшый суд (НС) СР на вчерайшім поїднаваню спріснив тресты штирьом членам ґрупы тзв. саторовцов. Пресову аґентуру TASR о тім інформувала говоркыня НС СР Алехандра Важанова. Павел Влчко собі одсидить в арешті 25 років і Роландові Сзамаранскому і Андорові Марікові суд дав вынятковый трест однятя слободы  у вышкі 18 років. Вшыткых трьох дав до третьой направновыховной ґрупы. НС СР потвердив трест Крістіянові Кадарові, котрый собі за розсудком Шпеціалізуваного карного суду одсидить 25 років і вшыткым штирьом навыше дав і трест пропаджіня маєтку. (TASR, Pkf)