x

В старых уж неіснуючіх Валашківцях ся знову зыйдуть родаці

00

Валашківці суть воєньскым обводом на Словакії в окресі Гуменне. Є територійов згоднов з воєньскым простором на тренованя Каменіцов над Цірохов. Валашківці были колись селом, з котрого были люди в 1937-ім року выстягованы. В тім часі там было 49 хыж. Часть жытелів была переселена до Гуменного, до части з назвов За водов, котру до днешнього часу домашні жытелі звуть Валашківці. Зо села у воєньскім обводі остала лем церьков, цвинтарь, сходы фары, алея за храмом і дахде мож іщі відіти части загородок. Жебы ся на село незабыло і з тым цільом Ґрекокатолицька церьков, фарність Гуменне – Під Соколейом, Св. Апоштолів Петра і Павла орґанізує на неділю одпустову славность в старых Валашківцях, днесь у воєньскому обєкту з чіслом 620. Проґрам ся зачінать о 9-ій годині молитвов святого руженця і наслідує о 10-ій годині святов літурґійов з мірованям. Гомолію прочітать отець Владімір Ноґа. По святій літурґії ся одбуде і панахіда на старім цвинтарї. Ближшы інформації о даній події і о забезпечіню автобусового транспорту вынятково про дану подію мож здобыти на телефоннім чіслі 057-7723052. (Пкф)