До Кошіць доразило першых пять з цїлковой кількости 36 новых автобусів, опроти планованому терміну пришли о місяць скоріше. Подля транспортного директора Транспортного поднику міста Кошіцї (TPMK) Романа Данка бы ся в них першы путуючі могли звести концём будучого тыждня. Інформує о тім місто Кошіцї на своїм вебовім сайтї з тым, же до конця місяця бы мало быти в депі довєдна 15 новых автобусів. Іде  о низкоподлажны еколоґічны автобусы Соларіс Урбіно 12 выбавлены кліматізаціёв, почітадлом путуючіх, USB набиячками і іншыма модерныма первками. Цїлкова цїна за 15 кусів представлять по 13- процентнім понижіню 3,1 міліона евр без ДПГ. Іде о обїднавку на посилнїня возового парку ТПМК на основі рамцовой змлувы з року 2018.

(TASR, Шутіова)