Оправа драгы в напрямі Гостовиці – Пчолине в окресі Снина ся діставать до завершалной фазы. Oправа той драгы є єднов із многых обєктів в рамках ставбы під назвов Розвиток дорожной інфраштруктуры меджі містами Снина – Meджілабірці, але і Кросно – Чабалівці – Гостовиці аж по oкружне роспутя Палота. На ставбу была конкурзом  становлена ціна понад 2,2 міліон евр. Робота на дразі довгій понад два тісяч метрів бы мала быти докінчена найпізніше в маю.
(Korzár, А.Кузмякова)