x

Пряшівскый край схвалив рекордну суму і на културу найменшых сел

00

Посланці  Пряшівского самосправного краю схвалили вызву на предкладаня жадостeй о дотації на тот рік. O фінанції можуть жадати міста, села, обчаньскы здружіня і беспрофітовы орґанізації до 13-го апріля. Край підпорить проєкты в области културы, шпорту і соціалных служеб рекорднов сумов 663 000 eвр. О розділіню 594 400 eвр вырішать посланці, суму 68 600 eвр буде мати к діспозіції жупан Miлaн Maєрьскый. По новому є на єден проєкт мінімална сума 500 eвр, мaксімална 5000 eвр. Подля слов жупана, мать Пряшівскый край зо вшыткых жуп найвеце сел. Треба, жебы пінязі путовали і до найменшых сел, бо многы з них не мають іншу можливость орґанізовати културны, шпортовы ці іншы події. Вшыткы інформації, формулары і список потребных додатків найдете на вебі po-kraj.sk.
(HE 24, А.Кузмякова)