x

Жывый пчолярьскый сканзен в Мораванох нукать і апітерапію

00

Жывый пчолярьскый сканзен, котрый у четверь отворили в селї Мораваны в Михаловскім окресї, додавать навщівникам можность зознамити ся зо жывотом пчол в історічных улёх і роботов пчолярїв, а тыж зажыти апітерапію. Екстерєровый музей пчолярьства выник дякуючі актівній пчолярьскій комунітї на чолї зо старостом села Владїміром Чекловскым. TASR о тім інформовала выконна директорка Крайской орґанізації путёвого руху Кошіцї Реґіон Турізму Ленка Варґова Юркова. ,,Зведавцї, надхненцї і родины з дїтми в сканзенї обявлять пчолник в подобі хыжкы, котрый є управленый на спаня і оддых просто на пчолїх улёх. Стачіть сі лем лячі до апіхыжкы, дыхати воздух з вонёв меду, воску, прополісу а заслухати ся до спокійного бзучаня під вами,” увела о понуканій апітерапії. В сельскім парку можуть навщівници відїти добовы улї, якыма суть різны клаты, фіґуралны, соломяны ці шашіновы улї, але і модерны улї хоснованы в сучасности, вшыткы обываны пчолїма родинами. Як доповнив староста села, містны пчолярї ся з навщівниками подїлять о свої скушености з ховом пчол формов преднашок і практічных укажок.

(TASR, Шутіова)