Першого януаря  на місце председы Рады Европской унії сяде Франція. Раду EÚ буде вести пів рока, покы го зачатком юла невычерять Чехія. На даных шість місяців ся приправовало уж од року 2017, інформував Елізейскый палац в пресовім выголошіню. Пріорітами Французів мають быти діґіталізація, кліма і соціалны односины. Хочуть реґуловати інтернетовы ґіґанты, главні елімінувати шыріня ненавистного обсягу, як і оволодіти діґіталны торгы. Рыхтують ся тыж апліковати на границях EÚ углікове цло на доважаны продукты. В соціалній області будуть просаджувати вытворіня европского мінімалного заробітку. (TASR, Pkf)