Суд в Лондині дав приказ дубайскому емірові шейкові Мугаммадові ібн Рашідові Мактумові заплатити в перерахуваню 650 міліонів евр своїй бывшій жені. Гроші мать владца выплатити в конфлікті о старостливість о їх дві діти. Інформацію принесла аґентура Reuters.Тоты фінанції ся поважують за найвысшу суму, котру коли родинный суд в Анґлії приказав заплатити в розводовім процесі. Мають служыти на забезпечіня ціложывотной безпечности прінцезны Гаї бінт ал-Гуссайн і двох неповньолітніх дітей, як і забезпечіня їх жывотных коштів. (TASR, Pkf)