x

В Білоросії ся зачали клінічны скушкы російской вакціны Sputnik V

00

Першый добровольник в Білоросії быв уж заочкованый російсков вакцінов проти коронавірусу SARS-CoV-2. Подля аґентуры Інтерфакс о тім у четверь інформовав порадця російского міністерства здравотницьтва Алексей Кузнєцов. Білоросійске міністерство здравотницьтва передтым потвердило, же в країнї ся у четверь зачали клінічны скушкы вакціны російской выробы Sputnik V. Аґентура БелТа інформовала, же інтерес дати ся добровольно очковати проявило веце як 4000 жытелїв. Наконець было спомеджі них выбраных 100, котры дотеперь не были інфiкованы коронавірусом. Слїдовати їх будуть 120 – 180 днїв, затоже очкованя буде в двох фазаx. Білоросія ся стала першов країнов, де ся одбыли клінічны скушкы вакціны по єй реґістрації в Росії.

(TASR, Шутіова)