Найвекшу довіру меджі політичныма лідрами мать презідентка СР Зузана Чапутова, котрій вірить 54 процент людей. Наслідує лідер мімопарламентного Hlasu-SD Петер Пеллеґріні зо 44-процентнов довіров, председа SaS Ріхард Сулік з 34 процентами, председа Сьме родина і Народной рады СР Боріс Коллар з 31 процентами і премєр Едуард Геґер з руху OĽANO з 29 процентами. Выходить то з дослідженя аґентуры Focus про TV Markíza, котре ся одбыло од 2-го до 9-го юна на взоркі 1011 респондентів. Найвекшу недовіру споміж політичных лідрів мать Іґор Матовіч. Недовірує му аж 87 процент опрошеных. За ним в мірі недовіры наслідує лідер ĽSNS Маріян Котлеба з 82 процентами, Ремішова зо 79 процентами, Данко зо 75 процентами і Фіцо зо 74 процентами. (TASR, Pkf)