Дотації в цілковій сумі 116 000 евр розділили свідницькы містьскы посланці на своїм посліднім засіданю. Фінанції могли быти приділены лем орґанізації, котра фунґує веце як два рокы. За словами пріматоркы Марцелы Іванчовой найвекшы сумы реґуларно діставають колектівны шпорты, значіть екстраліґовый волейбал, фотбал, але грошы дістав наприклад і гокейбал ці карате. На вшыткы шпортовы актівіты місто розділило 83 процент з цілковой сумы. Підпорив ся і молодежный шпорт. Часть дотацій ішла про обчаньскы здружіня. Наприклад про людей постиженых цівілізачныма хворотами або про ансамбель Маковіця, котрый подля пріматоркы барз добрі репрезентує місто Свідник.

(Медвідь, ТASR)