Представителі семох сел в околіці Великой Домашы апелують на резорт жывотного оточіня, жебы рішыв проблемы з водоємом. Написали міністрови жывотного оточіня Янови Будайови, де указузують на нетранспарентне арендованя фундушів і маніпулацію з маєтком СР з боку Словацького водогосподарьского поднику, проблемы з одпадом в рекреачных областях, ліквідацію чорных ставеб близко водоєму і на маніпулачный порядок водной ставбы Велика Домаша. Міністерство у своїй позіції на тото писмо увело, же розумить проблемам самосправ і намагать ся їх рішыти. Як про пресову аґентуру TASR увів одбор комунікації Міністерства жывотного оточіня СР, „прімарнов задачов міністерства є забезпечіти функчность водоєму Велика Домаша, позераючі на протипотопову охрану, котра є главным цільом водоєму. Міністерство ся не бранить хосновати теріторію Домашы і на рекреачны цілі, но є потребне становити собі правила сполупраці.“ (TASR, Pkf)