Бывшый польскый презідент Лех Валенса вєдно з далшыма сіґнатарями крітікує позіцію презідента США Доналда Трампа односно Україны. В писмі, котре публіковав на сіті Facebook апелує на Споєны штаты, жебы решпектовали Будапештяньскый меморандум, в котрім вєдно з далшыма державами обовязали ся хранити теріторіалну цілость Україны вымінов за переданя ядрового арзеналу, інформує TASR. „Тоты ґаранції суть безусловны: не є там ани слово о тім, же бы така поміч поважовала ся за господарьску выміну,“ пише ся в писмі, котре підписав Валенса і далшых 39 сіґнатарів. Будапештяньскый меморандум підписали 5-го децембра 1994-го року україньскый презідент Леонід Кучма, російскый презідент Борис Єльцин, америцькый презідент Білл Клінтон і премєр Великобрітанії Джон Мейджор. Україна ся ним зрекла ядрового арзеналу вымінов за безпечностны ґаранції і сувереніту в граніцях з року 1991.

(Медвідь, TASR)